عزاداری کا سلسلہ رخصت عزا جلوس کے ساتھ مکمل

ریاست اترپردیش کے ضلع بارہ بنکی میں اہل تشیع نے محرم سے جاری عزاداری کے سلسلے کو رخصتی جلوس کے ساتھ مکمل کیا ۔

محرم سے شروع ہوا عزاداری کا سلسلہ بدھ کو رخصت عزا جلوس کے ساتھ مکمل ہو گیا.

عقیدت مندوں نے نہایت ہی غمگین ماحول میں یا حسین کی صدا اور سینہ کوبی کے ساتھ جلوس نکالا اور محرم کی عزاداری کا اختتام کیا.

تقریبآ 4 کلومیٹر کے اس جلوس میں عزادار مسلسل ماتم اور نوحہ خوانی کرتے رہے.

بارہ بنکی میں رخصتی جلوس عسکری ہال سے دیوی روڈ، لائسینس کلب تراہا، چھایا چوراہا سے گزرتے ہوئے کربلا پہونچ کر شیعہ علماء نے عزاداروں سے خطاب کیا اور ماہ کی اہمیت اور فضیلت کو بیان کیا. اس جلوس کے بعد محرم کی عزاداری اختتام پذیر ہو گئی ۔