کوشامبی: مشتبہ حالت میں کسان کی موت

اترپردیش کے ضلع کوشامبی کے پورا مفتی علاقے میں نامعلوم افراد نے ایک کسان کو پیٹ پیٹ کر موت کے گھاٹ اتار دیا۔

پولیس ذرائع نے جمعہ کو بتایا کہ پورامفتی علاقے کے فتح پور گھاٹ گاؤں باشندہ اندر نارائن پانڈے عرف ببو(65) جمعرات کی رات کھیت کی رکھوالی کے لے گیا ہوا تھا۔ کھیت میں نامعلوم بدمعاشوں نے لاٹھی ڈنڈوں سے پیٹ کا اس کا قتل کردیا اور فرار ہوگئے۔

صبح دیر تک اندر نارائن گھر نہیں لوٹا تو اہل خانہ کھیت پہنچے۔وہاں ان کا خون سے لت پت لاش ملی۔اہل خانہ کی تحریر پرپولیس نے مقدمہ درج کرلیا ہے۔پولیس ملزمین کو تلاش کررہی ہے۔