بدایوں: پیٹرول اور ڈیزل کی قیمتوں میں مسلسل اضافہ

ایک طرف پہلے سے ہی لاک ڈاؤن کے باعث عوام معاشی بحران سے دوچار ہیں تو دوسری جانب پیٹرول اور ڈیزل کی قیمت نے بھارت کے عوام کی مشکلات میں اضافہ کر دیا ہے اور یہ سلسلہ بدستور جاری ہے۔

ریاست اتر پردیش کے ضلع بدایوں میں پیٹرول کی قیمت 87.34 روپے فی لیٹر اور ڈیزل کی قیمت 79.30 روپے فی لیٹر ہے۔ گذشتہ 10 دنوں میں پیٹرول کی قیمت میں 5 فروری کو 86.06 روپے فی لیٹر اور 14 فروری کو قیمت ریکارڈ سطح پر 87.43 روپے فی لیٹر رہی۔

بدایوں معاشی اعتبار سے ملک اور اترپردیش کے ان اضلاع میں سے ایک ہے جہاں ترقی کے نام پر کسی بھی حکومت کی جانب سے اہم اقدامات نہیں کئے گئے اور یہاں کی زیادہ تر آبادی کسانوں یا مزدوروں پر مبنی ہے۔ جہاں ایک طرف کسان تحریک کو لے کر ملک کے بیشتر علاقوں میں حکومت کے خلاف احتجاجی مظاہرے جاری ہے تو وہیں دوسری جانب حکومت کی جانب سے کئے گئے وعدوں کے ناکام ہونے کے باعث اس ملک کے تعلیم یافتہ اور شفاف نظریات رکھنے والے شہری بی جے پی حکومت کی ناکامیوں اور پیٹرول و ڈیزل کی بڑھتی قیمتوں پر تنقید کر رہے ہیں۔

واضح رہے کہ پیٹرول اور ڈیزل کی قیمتوں میں پورے ملک میں راجستھان کے گنگا نگر سٹی میں پیٹرول کی قیمت 97.72 روپے فی لیٹر ہے، جب کہ جنوری میں یہاں پیٹرول کی قیمت 98.33 روپے فی لیٹر رہی ہے۔