اجے کمار للو عیش باغ میں واقع ووڈ اپارٹمنٹ میں کانگریس جنرل سکریٹری پرینکا گاندھی کی یوم پیدائش پر منعقد تقریب سے مخاطب تھے۔انہوں نے کہا کہ اس وقت ملکی آئین خطرے میں ہے۔ ایک جمہوریت میں عوام وکسانوں کے ذریعہ ہی منتخب کی گئی حکومت ان کے جذبات کے ساتھ کھلواڑ کرتے ہوئے ان سے دھوکہ دہی کررہی ہے ۔
انہوں نے کہا کہ میں سپریم کورٹ کا شکریہ ادا کرتا ہوں کہ عدالت عظمی نے حکومت کی ذمہ داریوں کا احساس کرایا۔انہوں نے کہا کہ کانگریس کسانوں کے ساتھ کھڑی ہے اور ان کی تحریک کو تقویت پہنچانے کے لئے 15تاریخ کو کانگریس راج بھون کا گھیراؤ کرے گی۔
ایم ایل سی دنیش سنگھ نے بھی حکومت کو ہدف تنقید بنایا اور کورونا ویکسین کے ضمن میں عوامی شبہات کو دور کرنے کی ضرورت پر زور دیتے ہوئے انہوں نے کہا کہ جس طرح طریقے سے پورے ملک میں اس ضمن میں الگ الگ باتیں ہورہی ہیں۔ہم توقع کرتے ہیں کہ اس ضمن میں عوامی شکوک و شہبات کو دور کرنے کے لئے ویکسین کا ٹیکہ سب سے پہلے یوگی کابینہ کے وزراء لگوائیں گے اور پھر سبھی کے لئے یہ ویکسین میسر ہوگی۔
اس موقع پر غریبوں میں کمبل وغیرہ تقسیم کئے گئے اور ایم ایل سی دیپک سنگھ سمیت متعدد دیگر لیڈران و کارکنان موجود رہے۔
