ریاست اترپردیش کے ضلع ہردوئی پہنچے کانگریس کے اقلیتی سیل اترپردیش کے چیئرمین شہنواز عالم نے اب سماج وادی پارٹی (ایس پی) کے سینیئر رہنما اور رامپور سے رکن پارلیمان اعظم خان کی رہائی کے پیش نظر احتجاجی مظاہرہ کرنے کی بات کہی ہے۔
شاہنواز عالم نے کہا کی سماج وادی پارٹی کے رہنما اعظم خان کو محض مسلمان ہونے کی وجہ سے پھنسایا گیا ہے اور ان پر سیاسی کاروائی کی جارہی ہے۔
شہنواز عالم نے یہ بھی کہا کہ آخر کیسے مان لیا جائے کہ وہ ایک کابینہ وزیر رہ چکے ہیں۔
انہوں نے کہا کہ کیا اعظم خاں بکری چور مرغی چور یا کتاب چور ہوسکتے ہیں یہ صاف ہے کہ صوبے کا کوئی بھی انسان اس بات کو تسلیم نہیں کرتا۔
انہوں نے کہا کہ سماج وادی پارٹی کی ریاست میں مسلمانوں سے جو شناخت ہے وہ صرف اعظم خاں کی وجہ سے ہی ہے جس کی وجہ سے بھارتی جنتا پارٹی ان پر کارروائی کر رہی ہے۔
شہنواز عالم نے اس موقع پر ایس پی صدر اکلیش یادو پر بھی نکتہ چینی کرتے ہوئے کہا کہ آخر کیا وجہ ہے کہ اعظم خاں کے لیے سماج وادی پارٹی کوئی سخت ایکشن نہیں لے رہی ہے جبکہ اعظم خاں واحد ایک چہرہ ہیں جن کے بنا پر سماج وادی پارٹی نے مسلمانوں کا ووٹ حاصل کیا۔
