شیوپال یادو کا کہنا ہے کہ وہ کسی بھی سیکولر پارٹی سے اتحاد کو تیار ہیں، جو لوہیا وادی اور چرن سنگھ وادی ہو، لیکن جب ان سے یہ سوال کیا گیا کہ کیا اویسی کو آپ لوہیا وادی یا چرن سنگھ وادی تسلیم کرتے ہیں؟ تو انہوں نے سوال کو ٹال دیا۔
اترپردیش کے بارہ بنکی میں سماجک پریورتن یاترا لیکر پہونچے شیوپال یادو نے کہا کہ پوروانچل کے لیے آج سے یاترا کا آغاز ہورہا ہے۔ اس یاترا کے ذریعہ ہم بی جے پی حکومت کو اکھاڑ پھینکنے کی تیاری کررہے ہیں۔
سماجوادی پارٹی میں انضمام یا اتحاد کے سوال پر انہوں نے کہا کہ کچھ بھی ہو ہمیں مناسب اعزاز چاہیے۔ یہ پوچھے جانے پر کہ کیا اکھلیش یادو کو وزیراعلیٰ بنائیں گے؟ تو انہوں نے کہا کہ وہ پہلے ہی واضح کرچکے ہیں کہ وہ اکھلیش یادو کو وزیراعلیٰ بنتا ہوا دیکھنا چاہتے ہیں۔
یہ بھی پڑھیں:
تاہم اویسی سے اتحاد کے سوال پر انہوں نے واضح جواب نہیں دیا۔ انہوں نے کہا کہ وہ چاہتے ہیں تمام سیکولر پارٹیز، لوہیا وادی اور چرن سنگھ وادی سے اتحاد ہو۔
