لاک ڈاؤن کے سبب بھارت میں گھر سے باہر نکلنے کی کسی کو اجازت نہیں ہے ایسے میں اتر پردیش کے ضلع ہردوائی میں ضلع انتظامیہ نے لوگوں کو ان کے گھر پر ان کے بینک کھاتے کی رقم مہیا کرانے کا فیصلہ لیا ہے۔
ہردوئی میں بنیک خدمات گھر پر
اس کے تحت پورے ضلع میں کام کر رہے 240 بینک کے نمائندوں کو ڈسٹرکٹ مجسٹریٹ نے عوام کی سہولیات کے لیے علاقے تقسیم کر دئے ہیں۔ اب یہ بینک کے نمائندے لوگوں کے گھروں تک روپے پہنچائیں گے۔
ہردوئی کے ڈی ایم پلکت کھرے نے کہا کہ اب کسی کا اکاؤنٹ کسی بھی بینک میں ہو وہ کنٹرول روم میں فون کر بیس ہزار روپے تک کی رقم اپنے گھر منگا سکتے ہیں۔ انہوں نے کہا کہ کورونا وائرس سے تحفظ کے لئے یہ فیصلہ لیا گیا ہے تاکہ لوگ گھروں میں رہیں اور ان کو کسی بھی طرح کی کوئی پریشانی نہ ہو۔
