اناؤ میں ریپ متأثرہ کو زندہ جلانے کے واقعہ کے بعد سماج وادی پارٹی کے سربراہ اکھلیش یادو نے مطالبہ کیا کہ یوگی حکومت کو اس معاملے میں اخلاقی ذمہ داری لیتے ہوئے وزیر اعلی کے عہدے سے استعفی دے دینا چاہئے۔
مسٹر یادو نے اپنے ٹوئٹ میں لکھاکہ' اناؤ ریپ متأثرہ کو زندہ جلائے جانے کے واقعے کی اخلاقی ذمہ داری لیتے ہوئے بی جے پی حکومت کو اجتماعی طور سے استعفی دے دینا چاہئے۔اکھلیش نے عدالت سے اپیل کی کہ وہ اس حادثے کی سنگینی کو دیکھتے ہوئے متأثرہ کے پورے علاج اور سیکورٹی کی فوری نظم کی ہدایت دے۔
مزید پڑھیں: اناؤ جنسی زیادتی معاملے پر راجیہ سبھا میں ہنگامہ،کارروائی ملتوی
کانگریس صدر اجے کمار للو نے ریپ متأثرہ کی سیکورٹی میں لاپرواہی کے لئے یوگی حکومت کو ذمہ دار ٹھہراتے ہوئے واقعہ کی مذمت کی۔مسٹر للو نے اعلان کیا کہ پارٹی کا ایک وفد جلد ہی اناؤ جاکر معاملے کی تحقیق کرے گا۔
