پرائیویٹ ہسپتال کے لیے ایڈوائزری جاری

ریاست اترپردیش کے ضلع بارہ بنکی میں محکمہ صحت کی جانب سے پیدائش اور موت کے ڈاٹا کو مرتب کرنے کے لیے پرائیویٹ ہسپتالوں کو ایڈوئزری جاری کی گئی ہے۔

قومی صحت پروگرام کے تحت ڈاٹا میں ترتیب کے لیے پرائیویٹ ہسپتالوں کو پیدا اور مرنے والوں کی تعداد جلد از جلد مہیا کرانے کے لیے محکمہ صحت کی جانب سے ضلع کے تمام پرائیویٹ نرسنگ ہومس کو ایڈوائزری جاری کی گئی ہے. اس کے لیے محکمہ صحت نے ہر ماہ کی 21 تاریخ مقرر کی ہے اور پرائیویٹ ہسپتالوں کو ہدایت دی گئی ہے کہ وہ طئے شدہ تاریخ تک تمام قسم کے ڈاٹا دستیاب کرا دیں.

پیدا اور مرنے والوں کا صحیح ڈاٹا معلوم نہ ہونے کی وجہ سے حکومت کو پالیسیوں کے نفاذ میں کافی پریشانیوں کا سامنا کرنا پڑتا ہے۔ اس کے لیے محکمہ صحت نے ضلع کے تمام پرائیویٹ ہاسپٹل کو ایڈوائزری جاری کی ہے۔دراصل کچھ پرائیویٹ ہسپتال موقع پر یہ ڈاٹا پہنچا دیتے ہیں. لیکن ابھی کچھ ایسے پرائیویٹ ہسپتال بھی ہیں جو ڈاٹا نہیں دیتے ہیں. اس ایڈوائزری پر پرائیویٹ ہاسپٹل عمل کرنے اور کرانے کا اعتماد کرا رہے ہیں.