کولگام: دو عسکریت پسند ہلاک، سرچ آپریشن جاری

ایس ایس پی کلگام سندیپ چکر ورتی نے تصدیق کی کہ دو عسکریت پسند مارے گئے ہیں جن کی شناخت کی جا رہی ہے۔ علاقے میں سرچ آپریشن جاری ہے۔

جنوبی کشمیر کے ضلع کولگام کے دیوسر علاقے میں سکیورٹی فورسز اور عسکریت پسندوں کے درمیان مقابلے میں دو عسکریت پسند مارے گئے ہیں۔ ایس ایس پی کلگام سندیپ چکر ورتی نے تصدیق کی کہ دو عسکریت پسند مارے گئے ہیں جن کی شناخت کی جا رہی ہے۔ علاقے میں اب بھی سرچ آپریشن جاری ہے۔

اس سے قبل ایک عہدیدار نے بتایا کہ پولیس اور فوج کی 9 آر آر اور سی آر پی ایف کی مشترکہ ٹیم نے علاقے میں عسکریت پسندوں کی موجودگی سے متعلق مخصوص اطلاع پر کارڈن اینڈ سرچ آپریشن شروع کیا۔

انہوں نے کہا کہ جب فورسز کی مشترکہ ٹیم مشتبہ مقام پر پہنچی تو چھپے ہوئے عسکریت پسندوں نے ان پر فائرنگ شروع کردی۔ جوابی کارروائی کے دوران دو عسکریت پسند مارے گئے اور سارے علاقے کو سیل کردیا۔