جنوبی کشمیر کے ضلع کولگام میں دو الگ الگ مقامات پر محاصرہ شروع ہوا ہے۔ تفصیلات کے مطابق سرندو علاقے میں بعد دوپہر سکیورٹی فورسز کی 9 آر آر، پولیس اور ایس او جی نے پورے علاقے کو اپنی تحویل میں لیا اور تلاشی کاروائی شروع کردی۔
ادھر متصلہ علاقہ زنگلپورہ مقدم محلہ کو بھی سیکورٹی فورسز نے اپنی تحویل میں لیا اور گھر گھر تلاشی مہم شروع کردی۔
عسکریت پسندوں کی موجودگی کی اطلاع ملنے کے بعد مزکورہ علاقوں کے سبھی داخلی و خارجی راستے بند کر دیئے گیے ہیں۔
ذرائع کے مطابق عسکریت پسندوں کے کئی گروپ کولگام میں سرگرم ہیں جن کی تلاش کے لیے بڑے پیمانے پر تلاشی کاروائی شروع کردی گی ہے۔
واضح رہے کہ گزشتہ دنوں کولگام میں کئی جھڑپیں پیش آئی جن میں متعدد عسکریت پنسد ہلاک ہوگئے۔
