جگدیپ دھنکر کے ملیریا میں مبتلا پائے جانے کی اطلاع موصول ہوئی ہے۔ طبیعت خراب ہونے کے بعد ان کا دہلی میں واقع بنگو بھون میں علاج کیا جارہا ہے۔
ذرائع کے مطابق گورنر جگدیپ دھنکر چند روز کے دورے پر دارجلنگ گئے تھے۔ وہ دارجلنگ سے سلی گوڑی پہنچے جہاں ان کی طبیعت خراب ہوگئی۔ سلی گوڑی ضلع میں طبیعت بگڑنے کے بعد گورنر جگدیپ دھنکر دہلی منتقل ہوئے جہاں ان کا علاج کیا جارہا ہے۔ گورنر کی حالت اب مستحکم بتائی جارہی ہے۔
واضح رہے کہ مغربی بنگال کے گورنر اور وزیراعلیٰ کے درمیان بیان بازی کا سلسلہ جاری ہے۔ اکثر و بیشتر ریاست کے آئینی سربراہ گورنر جگدیپ دھنکر اور وزیراعلیٰ ممتا بنرجی کے درمیان سوشل میڈیا پر لفظی جنگ کا سلسلہ ایک بار پھر شروع ہوچکا ہے۔
