مغربی بنگال کے دوسرے اضلاع کی طرح شمالی 24 پرگنہ کے بیشتر میونسپلٹیز کی جانب سے ترقیاتی منصوبوں کو عوام تک پہنچانے کے لیے دوارے کیمپ کا انعقاد کیا جارہا ہے۔ اس درمیان ضلع کے بیشتر علاقوں میں موسلادھار بارش کے سبب عام زندگی پوری طرح مفلوج ہوکر رہ گئی اور لوگوں کو دشواریوں کا سامنا کرنا پڑا۔
شمالی 24 پرگنہ کے گیارولیا میونسپلٹی کے مختلف وارڈز میں موسلادھار بارش کے باوجود دوارے سرکار کیمپ جاری رہا اور خواتین کی بڑی تعداد نے اس میں شرکت کی۔ موسلادھار بارش کے درمیان خواتین ریاستی حکومت کے ترقیاتی منصوبوں سے جڑنے کے لئے دوارے سرکار کیمپ میں ڈٹی رہیں اور اپنا اپنا کام کرواکر ہی گھر واپس لوٹیں۔
یہ بھی پڑھیں: رکن اسمبلی کی نگرانی میں دوارے سرکار کیمپ کا انعقاد
ذرائع کے مطابق شمالی 24 پرگنہ کے بیشتر علاقوں میں موسلادھار بارش کا سلسلہ جاری رہا۔ اس دوران دوارے سرکار کیمپ بھی کھلے رہے۔
واضح رہے کہ وزیراعلیٰ ممتا بنرجی کے ترقیاتی منصوبوں کی مقبولیت میں اضافہ ہوا ہے اور دوارے سرکار اسکیم کے لیے اب تک پانچ کروڑ سے زائد افراد نے رجسٹریشن کرایا ہے۔
