ریاست میں کورونا وائرس کے معاملات میں مسلسل اضافہ ہونے کی وجہ ریاست میں ہفتے میں دو روز مکمل لاک ڈاؤن نافذ کرنے کا فیصلہ کیا گیا تھا۔ گذشتہ اعلان میں کہا گیا تھا کہ ریاست میں کورونا وائرس کے صورت حال کے مد نظر آئندہ 31 اگست تک مکمل لاک ڈاؤن کا اعلان کیا گیا تھا۔
گذشتہ منگل کے روز نبنو میں وزیر اعلی ممتا بنرجی نے لاک ڈاؤن کی تاریخوں کا اعلان کیا گیا تھا، اس دن ہی مختلف وجوہات کے بنا پر کئی بار تاریخوں میں تبدیلی کی گئی ہے۔ کہا گیا تھا کہ اگست کے مہینے میں کل 9 دنوں کا مکمل لاک ڈاؤن ہوگا، جس کے مطابق 5،8،9،16،17،23،24 اور 31 اگست کو مکمل لاک ڈاؤن کا اعلان کیا گیا تھا لیکن آج ایک بار حکومت کی طرف سے ایک نوٹیفیکشن جاری کیا گیا، جس میں لاک ڈاؤن کی تاریخوں میں تبدیلی کی اطلاع دی گئی ہے۔جس میں کہا گیا ہے کہ مختلف اداروں کی طرف سے مقامی تہواروں کا حوالہ دیکر لاک ڈاؤن کی تاریخوں میں تبدیلی کی بات کہی گئی ہے۔
اس کے علاوہ اس سے قبل لاک ڈاؤن کے دوران جن اصول و ضوابط کا اعلان کیا گیا تھا وہ گزشتہ اعلان کے مطابق برقرار رہیں گی۔ واضح رہے ریاستی بی جے پی کی طرف سے بھی آئندہ 5 اگست کو لاک ڈاؤن واپس لینے کا مطالبہ کیا گیا تھا۔لیکن نئی فہرست کے مطابق 5 اگست کو ریاستی سطح پر لاک ڈاؤن رہے گا۔
