بہار کے ضلع کٹیہار میں اتوار کے روز عاشق کے لئے ایک یادگار دن بن گیا۔ زمانے سے چوری چوری، چپکے چپکے محبت کرنے والے عاشق اور معشوقہ کو لوگوں نے پکڑ کر شادی (Lovers Marriage) کرادی۔ شادی کی ویڈیو سوشل میڈیا پر کافی تیزی سے وائرل ہورہی ہے۔
معاملہ ضلع کے کڈوا تھانہ (Kadwa Police Station) علاقے کا ہے۔ جہاں ایک لڑکا اور لڑکی کے درمیان کافی دنوں سے عشق چل رہا تھا۔ لوگوں کے ڈر اور سماج سے چھپ چھپاکر ایک دوسرے سے مل رہے تھے کہ اتوار کو گاؤں والوں نے دیکھ لیا۔
پکڑے جانے کے بعد گاؤں والوں نے دونوں کے کنبوں کو بُلایا اور سزا دینے کی بات کہی، کچھ نے سزا دینے اور کچھ نے پولیس کے حوالے کرنے کی بات کی، لیکن محبت کرنے والے جوڑے کے رشتہ داروں نے اس وقت کسی کی بات نہیں سنی اور دونوں کی شادی سونالی درگا مندر میں کروادی۔
مزید پڑھیں: آدیواسی نوجوان کو گاڑی میں باندھ کر گھسیٹا گیا، علاج کے دوران موت
دونوں کے والدین کی رضامندی کے بعد گاؤں والے بھی راضی ہوگئے اور اس طرح دونوں کی خواہش بھی پوری ہوگئی۔ محبت سے شادی کرنے والے جوڑے کی ویڈیو سوشل میڈیا پر تیزی سے وائرل ہو رہی ہے۔
نوٹ: ای ٹی وی بھارت اس وائرل ویڈیو کی تصدیق نہیں کرتا۔
