کانپور میں شدید احتجاج، ایک ہلاک، آٹھ زخمی

ریاست اترپردیش کے شہر کانپور میں شہریت ترمیمی قانون کے خلاف احتجاج کے دوران پولیس کے ذریعے فائرنگ میں 8 افراد کے زخمی ہونے اور ایک کے ہلاک ہونے کی اطلاع ہے۔ ریاست بھر میں جاری مظاہروں میں ابتک 6 افراد ہلاک ہوچکے ہیں۔ انتظامیہ نے اس کی تصدیق بھی کر دی ہے۔

پولیس کی فائرنگ میں ایک فرد ہلاک اور تقریباً آٹھ افراد زخمی ہوئے ہیں۔ زخمی افراد کو علاج کے لیے اسپتال میں داخل کرایا گیا ہے۔

شہریت ترمیمی قانون کے خلاف ملک گیر سطح پر احتجاج کا سلسلہ جاری ہے۔ اس دوران کئی مقامات پر احتجاج کرنے والوں کی طرف سے پتھراؤ کرنے اور پولیس کی طرف سے لوگوں پر لاٹھی چارج کرنے کی خبر ہے۔