اس موقع پر ہنمے گوڈا نے ضلعی انتظامیہ سے اپیل کی کہ یادگیر ضلع کے لیے جتنی کورونا ویکسین کی ضرورت ہے وہ ریاستی حکومت سے طلب کریں اور ضلع میں تمام احباب کو جن کی عمر 18 سال سے زیادہ ہے ان کو کورونا ویکسین مہیا کروائے۔
انہوں نے آٹو ڈرائیورز سے مخاطب ہو کر کہا کہ کورونا کی ویکسین ضرور لیں اور حکومت کی جانب سے کورونا سے بچنے کے لئے بتائے گئے احتیاطی اقدامات پر سختی کے ساتھ عمل کریں۔
اس موقع پر کلیان کرناٹک آٹو یونین یادگیر کے رکن ملپا نے بتایا کہ سماجی کارکن اور جنتا دل سیکولر پارٹی کے قائد ہنمے گوڈا کی جانب سے آج شہر کے 600 سے زائد آٹو ڈرائیورز کو راشن تقسیم کیا گیا، جس کے لیے ہم ان کا شکریہ ادا کرتے ہیں۔
انہوں نے کہا کہ یہ پہلا موقع ہے کہ کوئی آٹو ڈرائیور کو راشن تقسیم کر رہا ہے، ورنہ شہر میں کسی تنظیم اور کسی لیڈر کی جانب سے ہمیں کوئی امداد نہیں ملی ہے۔
