کل ہند مجلس اتحادالمسلمین شاخ یادگیر کے صدر ذاکر احمد سوداگر نے میڈیا سے بات کرتے ہوئے کہا کہ عید کے موقع پر ہر سال کی طرح اس سال بھی محکمہ بلدیہ کی جانب سے صاف صفائی کے لیے ایک یادداشت پیش کی گئی ہے، جس میں محکمہ بلدیہ کی جانب سے اپیل کیا گیا ہے کہ خاص کر مسلم محلہ جات میں قربانی کے جانور سے نکلنے والے غیر استعمال شدہ اعضاء کو جمع کرنے کے لئے محکمہ بلدیہ کی جانب سے گاڑیوں کا انتظام کیا جائے۔
صدر مجلس ذاکر احمد نے شہر کے مسلمانوں سے بھی اپیل کرتے ہوئے کہا کہ خاص کر ایسے احباب جو قربانی دے رہے ہیں، ان تمام احباب سے گزارش ہے کہ قربانی کے جانور سے نکلنے والے غیر استعمال شدہ اعضاء کو محکمہ بلدیہ کی جانب سے مقرر کی گئی گاڑیوں میں ڈال کر ایک ذمہ دار شہری ہونے کا فرض ادا کریں اور اپنے اطراف و اکناف صاف صفائی کا خاص خیال رکھیں۔
یہ بھی پڑھیں:
یادگیر میں محکمہ پولیس کا امن اجلاس
اس موقع پر کل ہند مجلس اتحادالمسلمین شاخ یادگیر کے سیکریٹری حنیف شیخ کے علاوہ پارٹی کے دیگر نوجوان موجود تھے۔
