جموں وکشمیر کے ضلع پونچھ کی تحصیل مینڈھر کی بھاٹہ دوریا کے علاقے ناڈ میں دوسرے دن بھی سیکورٹی فورسز عسکریت پسندوں کی تلاش میں مصروف رہیں۔
پولیس کے اسپیشل آپریشن گروپ کی ٹیموں نے سرچ آپریشن کے دوران ضلع کے جنگلات کی تلاشی لی۔
وہیں تلاشی مہم کے دوران راجوری پونچھ قومی شاہراہ کو بند کر دیا گیا اور پورا علاقہ فوجی چھاؤنی میں تبدیل کر دیا گیا۔
آپ کو بتادیں کہ گزشتہ دنوں سیکورٹی اہلکاروں کو اطلاع ملی تھی کہ ناڈ علاقے میں کچھ عسکریت پسند موجود ہیں، جس پر سیکورٹی اہلکاروں نے مشترکہ سرچ آپریشن شروع کیا۔
یہ بھی پڑھیں: سرینگر کے بیمینا علاقے میں انکاؤنٹر، ایک عسکریت پسند ہلاک
سرچ آپریشن کے دوران جمعرات کی دیر شام عسکریت پسندوں نے سیکورٹی اہلکاروں پر گھات لگا کر حملہ کیا۔ فوجی معلومات کے مطابق اس مقابلے میں فوج کے دو جوان ہلاک ہو گئے۔
جس کے بعد علاقے میں سیکورٹی فورسز کی بڑی تعداد تعینات کر دی گئی۔ سیکورٹی فورسز کی جانب سے دوسرے دن بھی سرچ آپریشن جاری رہی۔ گھنے جنگل کی وجہ سے سیکورٹی اہلکاروں کو سرچ آپریشن کے دوران کافی پریشانیوں کا سامنا کرنا پڑ رہا ہے۔
