وادی کے ساتھ ساتھ جموں کے تمام اضلاع میں آج 21اکتوبر کی مناسبت سے پولیس شہداءیادگاری دن کے طور پر منایا گیا۔
یہ دن اُن شہید پولیس اہلکاروں کو یاد کرنے کیلئے منعقد کیا جاتا ہے جنہوں نے اپنے فرائض انجام دیتے ہوئے اپنی قیمتی جانوں کا نذرانہ پیش کر دیا۔
اس سلسلے میں وادی اور جموں کے اطراف و اکناف میں ضلع پولیس لائنزمیں تقریب کا اہتمام کیا گیا۔
تقریب میں پولیس کے اعلیٰ افسران اور جوانوں کے ساتھ ساتھ سیول انتظامیہ سے وابستہ افسران کے علاوہ شہید پولیس اہلکاروں کے اہل خانہ نے بھی شرکت کی۔
سب سے بڑی تقریب سرینگر زیون اور سرمائی دارالحکومت جموں کے گلشن گراؤنڈ میں منعقد ہوئی۔
سرینگر میںریاست کے گورنر شری ستیا پال ملک مہمان خوصوصی تھے اوراس موقعہ پر پولیس سربراہ شری دلباغ سنگھ، آئی جی پی کشمیر ایس پی پانی ، ڈی آئی جی سینٹرکشمیر شری ویدی کمار بردی اور وہاں پرپولیس کے دیگر سینئر آفسربھی موجودتھے۔
جموں زون کے آئی جی پی سری مکیس سنگھ نے جموں کے گلشن گراؤنڈ میں منعقدہ تقریب میں شہیدوں کو خراج عقیدت پیش کیا اور ان کے ہمراہ سابقہ ڈی اے جی ایس پی وید بھی تھے-
