جنوبی کشمیر کے ضلع پلوامہ کے ترال علاقے میں نامعلوم عسکریت پسندوں کے اندھا دھن فائرنگ میں ہلاک ہوئے راکیش پنڈت معاملے میں آج بجرنگ دل کی جانب سے جموں کے پریس کلب میں احتجاجی مظاہرے کیے گئے اور پاکستان کے خلاف نعرے بازی کی گئی۔
مظاہرین نے پاکستان کاپتلا بھی نذر آتش کیا۔ اس دوران بجرنگ دل جموں و کشمیر کے صدر راکیش بجرنگی نے کہا کہ یہ حملہ خطہ میں قوم پرست طاقتوں کو غیر مستحکم کرنے کی کوشش ہے، جس کا ذمہ دار پاکستان ہے۔
انہوں نے کہا کہ ملک سے پیار کرنے کے حوصلوں کو پست کرنے کی یہ اور ایک ناکام کوشش ہے جس کی جتنی مذمت کی جائے کم ہے۔
واضح رہے کہ یاد رہے کہ جنوبی کشمیر کے ضلع پلوامہ کے ترال علاقے میں نامعلوم عسکریت پسندوں نے بی جے پی رہنما راکیش پنڈت پر اندھا دھند گولیاں چلا کر ہلاک کر دیا۔پولیس کا کہنا تھا کہ راکیش پنڈت کی حفاظت پر دو پولیس اہلکار مامور تھے لیکن وہ سکیورٹی گارڈز کے بغیر ایک دوست کے گھر گئے تھے جہاں عسکریت پسندوں نے ان کو ہلاک کر دیا۔
