دائیں بازو کی جماعت بجرنگ دل Baijrag Dal Protest in Jammu نے آج پھر سے ایک بار نیشنل کانفرنس کے صدر ڈاکٹر فاروق عبداللہ کے خلاف جموں کے پریس کلب میں زبردست احتجاج کیا اور نعرے بازی بھی کی ۔
اس موقع پر بجرنگ دل کے جموں کشمیر یونٹ کے صدر راکیش بجرنگی نے میڈیا کے ساتھ بات کرتے ہوئے کہا کہ ڈاکٹر فاروق عبداللہ لگاتار پاکستان کے ساتھ بات چیت India Pak Talks کرنے کی وکالت کرتا ہیں جو اس بات کا ثبوت ہیں کہ فاروق عبداللہ ملک مخالف سرگرمیوں میں شامل ہیں۔
انہوں نے مزید کہا کہ گپکار ایجنڈا Gupkar agenda پاکستان یا چین کا ایجنڈا ہے اس کو جموں کی سر زمین پر پنپنے نہیں دیا جائے گا۔
بجرنگ دل کے ریاستی صدر نے مزید کہا کہ 'ڈاکٹر فاروق چین کی مدد چاہتے ہیں، پاکستان کے ساتھ بات چیت کرنے کو کہتے ہیں لہٰذا وہ کہاں کے دیش بھگت ہیں۔'
یہ بھی پڑھیں:Farooq Abdullah fumes at journalist: 'پاکستان کے ساتھ بات کرنی ہی ہوگی'
انہوں نے کشمیر میں روایتی لباس 'پھرن' پر پابندی کا مطالبات کرتے ہوئے کہا کہ کشمیر میں عسکریت پسند 'پھرن' کا استعمال کرکے سکیورٹی فورسز پر حملہ کرتے ہیں۔
انہوں نے جموں وکشمیر انتظامیہ سے مطالبہ کیا کہ وہ پبلک مقامات پر پھرن پہننے پر پابندی عائد کرے۔
ہم آپ کو بتادیں نیشنل کانفرنس کے صدر فاروق عبداللہ نے گزشتہ روز جموں میں مائیگریٹ پنڈتوں سے خطاب کرتے ہوئے کہا کہ مرکزی حکومت کو پاکستان کے ساتھ کسی بھی صورت میں پات چیت کرنی ہوگی۔
