میٹنگ میں ریاست کے نائب وزیراعلی سچن پائلٹ اور جو بھی ارکان پائلٹ کے خیمے میں مانے جاتے تھے وہ تمام لوگ اس میٹنگ میں شامل نہیں ہوئے ہیں۔ اس کے علاوہ بی جے پی کے ریاستی صدر ستیش پونیا نے بھی بیان دیا تھا کہ پائلٹ بی جے پی میں شامل ہو سکتے ہیں۔ ان تمام باتوں کو لے کر راجستھان کے سینئر صحافی کیا کہتے ہیں آپ بھی دیکھیں۔
ای ٹی وی بھارت کے سینئر صحافی پیوش شرما جو اس پورے معاملے پر گزشتہ کئی روز سے نظر جمائے ہوئے تھے ان کا کہنا ہے کہ بس ریاست کے نائب وزیر اعلی سچن پائلٹ ہی نہیں بلکہ ان کے جو حامی ارکان اسمبلی ہیں جن کی تعداد ایک درجن سے زیادہ ہے، وہ تمام ارکان اسمبلی میٹنگ میں شامل نہیں ہوئے ہیں۔ اب دیکھنا یہ ہوگا کہ جو لوگ اس میٹنگ میں شامل نہیں ہوئے ہیں ان تمام پر کانگریس کی جانب سے کیا کارروائی کی جاتی ہے؟
انہوں نے کہا کہ گذشتہ کئی روز سے یہ بات چل رہی تھی کہ پائلٹ بی جے پی کی شمولیت اختیار کر لیں گے۔ ای ٹی وی بھارت نے بی جے پی کے ریاستی صدر ستیش پونیا سے بات چیت بھی کی، جس پر پونیا نے صاف کر دیا تھا کہ پائلٹ بی جے پی میں شامل ہو سکتے ہیں۔
