ریاست راجستھان کے دارالحکومت جے پور کے آمیر ایس ڈی ایم جے پورضلع کلیکٹرٹ میں پھر سے تبادلہ کرنے کے مطالبات کو لےکرضلع کلکٹروں اور وکیلوں نے خاموش جلوس نکالا۔
خاموش جلوس جےپور ضلع کلکٹرٹ سے روانہ ہوکر شہید اسمارک تک گیا،کسی طرح ماحول خراب نہ ہو اس کی وجہ سے پولیس اہلکار بھی ساتھ میں موجود تھے۔
جے پور ضلع کلکٹرٹ سے آمیر ایس ڈی ایم کورٹ کا تبادلہ کرنے کے بعد وکیلوں میں کافی زیادہ غصہ نظر آرہا ہے اور گذشتہ 49 روز سے وکیل آمیر ایس ڈی ایم کورٹ کو دوبارہ سے ضلع کلیکٹرٹ میں لانے کے لیے مسلسل احتجاج کر رہے ہیں۔
وکیلوں کی جانب سے گذشتہ روز اپنے مہم کو اور تیز کرنے کا اعلان کیا گیا تھا اس کے بعد6 فروری کو خاموش جلوس نکالنے کا اعلان بھی کیا گیا تھا، اس درمیان سبھی وکیل جے پور ضلع کلکٹر میں بار ایسوسیشن کے سامنے جمع ہوئے اور وہاں سے خاموش جلوس کی شکل میں روانہ ہوئے۔
اس درمیان تمام وکیلوں نے اپنے ہاتھوں میں ریاستی کانگریس پارٹی کے خلاف نعرے لکھی تختیاں لے رکھی تھی، وکیلوں نے اپنے منہ پر ماسک بھی لگا رکھا تھا، خاموش جلوس کلیکیرٹ سے روانہ ہوا اور خاصا کوٹھی، امرہ پورہ، گورنمنٹ ہوسٹل ہوتے ہوئے شہید اسمارک ہوتا ہوا واپس دوبارہ سے کلکٹریٹ پہنچا۔
مزید پڑھیں: ریپو ریٹ میں کوئی کمی نہیں: ریزرو بینک
واضح رہے کہ جےپور کے شہید اسمارک میں پہلے سے ہی دہلی کے شاہین باغ کی طرز پر سی اے اے، این آرسی اور این پی آر کو لے کر غیر معینہ دھرنا چل رہا ہے شہید اسمارک پر کثیر تعداد میں پولیس کے جوان تعینات کئے گئے۔
