راجستھان وقف بورڈ نے کورنا وائرس کے پھیلاؤ کے پیش نظر نرہڑ درگاہ پر زائرین کی آمد پر پابندی عائد کردی ہے۔ بورڈ نے اپنے فیصلے میں ریاستی حکومت کی جانب سے نافذ کردہ دفعہ 144 کا بھی ذکر کیا۔
پورے معاملے میں راجستھان وقف بورڈ کے چیئر مین ڈاکٹر خانو خان کی جانب سے باقاعدہ حکم نامہ بھی جاری کیے گئے ہیں۔ حکم نامے کے مطابق یہاں پر آنے والے زائرین کی آمد پر پوری طرح پابندی لگائی گئی ہے۔
راجستھان وقف بورڈ کے چیئر مین ڈاکٹر خان نے تمام مذہبی رہنماؤں سے اپیل کی ہے کہ وہ کورونا وائرس کے تعلق سے بیدار رہیں اور اس سلسلے میں عوام میں بھی بیداری پیدا کریں'۔
انہوں نے کہا کہ' انسان اگر زندہ رہے گا تبھی مذہب کے ماننے والے پائیں جائیں گے۔ مزید ہم دوبارہ مزارات پر زیارت کے لیے حاضر ہو سکتے ہیں۔'
خان نے بتایا کہ مذکورہ درگاہ میں عرس مبارک 19 مارچ سے شروع ہونا تھا جو کہ 20 مارچ تک جاری رہنا تھا۔ خان کے مطابق اگر کوئی بھی درگاہ میں زیارت کے لیے آنا چاہتا ہے تو اس خاندان کا ایک شخص وہاں پر پہنچ کر اپنی عقیدت مندی کا اظہار کر دے۔ خان نے کہا کہ ہماری پوری کوشش ہونی چاہیے کہ ہم کہیں پر بھی گروپ میں نہیں جائیں'۔
