جےپور: حضرت درویش شاہ باباؒ کا عرس اس بار مختلف رہا

ریاستی حکومت اور مرکزی حکومت کی جانب سے جو جو ایڈوائزری جاری کی گئی ہے اس کا راجستھان میں مکمل طور پر خیال رکھا جا رہا ہے، یہاں پر بڑے بڑے مذہبی پروگراموں کو بھی رد کر دیا گیا ہے اور سادگی کے ساتھ تمام پروگرام منقد ہو رہے ہیں۔

ریاست راجستھان کے دارالحکومت جے پور کے موتی ڈونگری روڈ علاقے میں واقع حضرت درویش شاہ بابا کا اسلامی برس کے 10 ویں مہینے میں عرس منایا جاتا ہے۔ یہ عرس دارالحکومت جے پور میں کافی زیادہ دھوم دھام کے ساتھ منایا جاتا ہے۔

درویش شاہ بابا کی درگاہ مشہور ہونے کی وجہ سے اس درگاہ میں ہر برس ہزاروں کی تعداد میں زائرین شرکت کرتے ہیں اور اپنی عقیدت مندی کا اظہار کرتے ہوئے خراج عقیدت پیش کرتے ہیں۔

اس بار عالمی وبا کورونا وائرس کی وجہ سے ریاست راجستھان میں دفعہ 144 نافذ ہے، جس کے تحت یہاں پر تمام بڑے پروگراموں پر پابندی ہے اور مذہبی مقامات پر تالے لگے ہوئے نظر آرہے ہیں۔

جےپور: حضرت درویش شاہ باباؒ کا عرس اس بار مختلف رہا

حکومت کی جانب سے جو ایڈوائزری جاری کی گئی ہے اس کا خیال رکھتے ہوئے یہاں پر درویش شاہ باباؒ کا عرس منایا گیا اور محض آٹھ لوگوں نے ہی درگاہ میں تمام رسومات ادا کی۔ اس موقع پر خاص دعا کورونا سے نجات کے لیے کی گئی۔

جےپور: حضرت درویش شاہ باباؒ کا عرس اس بار مختلف رہا

واضح رہے کہ جے پور کی اس مشہور درگاہ میں عرس کے موقع پر پیر رکھنے کی جگہ نظر نہیں آتی لیکن جس طرح سے موجودہ وقت میں حالات چل رہے ہیں ان حالات کے مدنظر درگاہ کمیٹی کی جانب سے یہ اہم فیصلہ لیتے ہوئے اس بار محض آٹھ لوگوں نے ہی عرس منایا اور باقی تمام لوگوں نے اپنے گھروں پر ہی نیاز دلائی۔