ریاست راجستھان کے دارالحکومت جے پور کی رہنے والی حنیفہ قریشی کی آنکھوں سے آنسو رکنے کا نام نہیں لے رہے، زبان کھلتی ہے تو صرف آہ نکلتی ہے، اس خاتون کو کیا پتا تھا کہ شوہر کے انتقال کے بعد اپنے ہی پرائے ہو جائیں گے، کچھ ایسی ہی داستان ہے حنیفہ قریشی کی۔
حنیف قریشی ایک ایسی خاتون جسے گھر سے نکال دیا گیا ہے، یہ خاتون آج در در بھٹک کر انصاف کے لیے بھیک مانگ رہی ہے، جس کی فریاد کہیں نہیں سنی جارہی ہے تو انہوں نے راجستھان کے وزیراعلیٰ اشوک گہلوت سے انصاف کا مطالبہ کیا ہے اور اشوک گہلوت کے نام ایک میمورنڈم بھی دیا ہے۔
حنیفہ قریشی ہیں کو کیا پتا تھا کہ جب ان کے شوہر کا انتقال ہو جائے گا تو ان کو ناجائز پریشان کیا جائے گا۔
دراصل اشفاق ٹائروالا نے دو شادیاں کی ہیں جن میں ایک حنیفہ قریشی بھی ہیں، حنیفہ قریشی نے میڈیا کے سامنے اپنی بات رکھتے ہوئے اپنے شوہر کی پہلی بیوی پر الزام لگاتے ہوئے کہا کہ جو ان کے شوہر کی پہلی بیوی ہے وہ میرے اوپر بلا عذر کارروائی کروا کر میرے شوہر کی بیش قیمتی جائیداد پر قبضہ کرنا چاہ رہی ہیں اور اس کا پولیس ساتھ دے رہی ہے اور دباؤ میں آکر میرے اوپر ہی کارروائی کر رہی ہے جو غلط بات ہے۔
انہوں نے کہا کہ 'میرے اوپر راضی نامہ کو لے کر دباؤ بنایا جارہا ہے، اور آج میں در در کی ٹھوکریں کھانے پر مجبور ہوچکی ہوں لیکن میری کہیں پر بھی کوئی سماعت نہیں ہو رہی ہے'۔
انہوں نے کہا کہ 'اس لیے میں وزیراعلی اشوک گہلوت سے مطالبہ کروں گی کہ میری جانب توجہ دی جائے اور مجھے انصاف دیا جائے'۔
انہوں نے کہا کہ 'میری جانب سے بھی پولیس میں ایف آئی آر درج کروائی گئی ہے لیکن کوئی کاروائی پولیس کی جانب سے نہیں کی جارہی ہے'۔
