رشوت لینے کے الزام میں ڈاکٹر و انجینئر گرفتار

اے سی بی نے جھلاور اور باران ضلع میں کاروائی کرتے ہوئے ایک میڈیکل آفیسر اور ایک جونیئر انجینئر کو گرفتار کیا ہے۔

راجستھان کے جھلاور اور باران ضلع میں دو الگ الگ واقعات میں رشوت لینے کے الزام میں ایک میڈیکل آفیسر اور ایک جونیئر انجینئر کو بدھ کے روز گرفتار کیا ہے۔

جھلاور ضلع کے اے سی بی کے اے ایس پی بھونیشنکر مینا نے بتایا کہ جھلاور میں ہری گڑھ پرائمری ہیلتھ سنٹر (پی ایچ سی) میں تعینات میڈیکل آفیسر کو نرسنگ عملے سے 12،000 روپے رشوت لینے کے معاملے میں گرفتار کیا گیا ہے۔

مینا نے بتایا کہ پردیپ شرما نے شکایت کنندہ سنجے مہرا سے اپنے آبائی مقام پر ڈیپوٹیشن ختم نہ کرنے پر 15،000 روپے مانگے تھے اور بعد میں رشوت کی رقم 12،000 روپے میں طے کی گئی تھی۔

اے ایس پی نے بتایا کہ مہرا نے پیر کے روز بیورو سے رجوع کیا تھا اور شرما کے خلاف شکایت درج کروائی تھی۔

مینا نے بتایا کہ بدھ کے روز اے سی بی نے رشوت وصول کرنے والے میڈیکل آفیسر کو گرفتار کر لیا۔ انہوں نے بتایا کہ ملزم ڈاکٹر کو جمعرات کو کوٹہ کی اے سی بی عدالت میں پیش کیا جائے گا۔

دوسرے واقعے میں جے پور ودیوت ویترن نگم لمیٹڈ (جے وی وی این ایل) کے ایک جونیئر انجینئر کو منگل کے روز راجستھان کے باران ضلع میں 10،000 روپے رشوت لینے کے الزام میں گرفتار کیا گیا ہے۔

اے سی بی نے بتایا کہ گامپا پرمود جو باران ضلع میں تعینات ہیں، ان کو ان کی سرکاری رہائشگاہ سے گرفتار کیا گیا ہے۔ اے سی بی نے کہا کہ گامپا پرمود آندھرا پریش کا باشندہ ہے۔

عہدیدار نے بتایا کہ پرمود نے الیکٹرک میٹر کو بدلے کے لئے رام کیشن کیرد سے دس ہزار روپے رشوت قبول کی تھی۔ جونیئر انجینئر کو کوٹہ کی اے سی بی عدالت میں پیش کیا گیا۔