پی ایف آئی کی حمایت میں اجتماعی پریس نوٹ جاری

پریس نوٹ میں کہا گیا ہے کہ پی ایف آئی ملک کے آئین کے خلاف کچھ نہیں کرتی ہے۔

منی لانڈرنگ معاملے کو لے کر ای ڈی کی جانب سے کی جارہی پاپولر فرنٹ آف انڈیا پر کارروائی کو لے کر اب ہندو مسلم تنظیموں کی جانب سے پاپولر فرنٹ آف انڈیا کو حمایت ملنے لگی ہے۔ اس بات کا اندازہ اس بات سے لگایا جا سکتا ہے کی ہندو مسلم تنظیموں کے اعلی عہدے داران کی جانب سے ایک اجتماعی پریس نوٹ بھی جاری کیا گیا ہے۔سماجی تنظیموں نے اس کارروائی کی شدید مذمت کی ہے اور اپنا احتجاج درج کرایا ہے، مشترکہ طور پر جاری کردہ بیان میں کہا گیا ہے کہ پاپولر فرنٹ آف انڈیا کو ہمیشہ آواز بلند کرنے کے لئے جانا جاتا ہے۔ وہ ایک سماجی تنظیم ہے اور معاشرے میں اچھے کام کام کرنے مظلوم طبقے کی ترقی اور قومی اتحاد کے لئے کام کرتی ہے۔

پریس نوٹ میں کہا گیا ہے کہ 'پی ایف آئی ملک کے آئین کے خلاف کچھ نہیں کرتی ہے، اس کارروائی کے بارے میں ہم سمجھتے ہیں کہ حکومت ایجنسی کو پاپولر فرنٹ آف انڈیا کو بے عزت کرنے کے لئے استعمال کررہی ہے، اکثر اس طرح کے چھاپے اس وقت ہوتے ہیں جب حکومت اپنی غلط پالیسیوں کی وجہ سے عوامی امور اور سماجی تنظیموں کے دباؤ میں آ جاتی ہے اور عوام کا خیال وہاں سے ہٹانے کے لیے کاروائی کی جاتی ہے'۔

پریس نوٹ میں بتایا گیا ہے حکومت اپنے سیاسی فوائد کے لیے اس طرح کی کارروائی کو عمل میں لارہی ہے اور پاپولر فرنٹ آف انڈیا کو بدنام کر رہی ہے، پاپولر فرنٹ کے دفاتر پر جس طرح سے بنا کسی بات کے کارروائی کی گئی ہے اس کی ہم سخت لفظوں میں مذمت کرتے ہیں۔

مشترکہ طور پر جاری کردہ نوٹ میں قومی سنت 1008 بھجن آنند مہاراج، انسانی حقوق تنظیم کے ٹی سی راہول، سمگر سیوا سنگھ کے سوائ سنگھ، آل انڈیا جمیعت منصور کے عبد ال الطیف آر کو، پنک سٹی حج ایجوکیشن ویلفیئر سوسائٹی کے سلام جوہر سمیت مختلف ہندو مسلم تنظیموں کے ذمہ داران کی جانب سے یہ پریس نوٹ جاری کیا گیا ہے۔