سوشل ڈیموکریٹک پارٹی آف انڈیا نے صدر جمہوریہ کے نام کمشنر دفتر پہنچ کر میمورنڈم سونپا جس کو پڑھتے ہوئے تنظیم کے سکریٹری ڈاکٹر ممتاز قریشی نے کہا کہ کورونا کے نام پے مبینہ طور مسلمانوں کے ساتھ ظلم و ستم اور امتیازی سلوک کیا جارہا ہے اور کئی افراد کو جیل بھیجا جا رہا ہے۔
انہوں نے مزید کہا کہ کشمیر میں دفعہ 370 کو پھر سے بحال کیا جائے اور وہاں کے عوام پر مبینہ طور پر کیے جانے والے ظلم و ستم بند کو ختم کیا جائے۔ ایودھیا میں مندر کی تعمیر کے لیے سرکاری مشینری کا استعمال بند کیا جائے اور بابری مسجد کی زمین مسلمانوں کو واپس دی جائے۔
ایس ڈی پی آئی کے ضلع صدر محمد سعید نے بتایا کہ ہم نے آج پارٹی کی جانب سے صدر جمہوریہ کے نام ایک میمورنڈم سونپا ہے، جس میں مطالبہ کیا گیا ہے کہ ملک کو لاک ڈاؤن کے نام پر باندھنے کی جو کوشش کی جا رہی ہے اور اس دوران سرکاری سسٹم کا غلط استعمال کیا جا رہا ہے۔ اسے بند کیا جائے۔
