جماعت اسلامی ہند کے جنوبی ہند کے امیر حامد محمد خان رکن پارلیمان اسد الدین اویسی کے ہمراہ یونائیٹڈ مسلم ایکشن کمیٹی کے وفد میں شامل تھے، جس نے وزیراعلی کو این آر پی، این آر سی اور شہریت ترمیمی قانون سے متعلق مذاکرات کیے تھے۔
'تلنگانہ کے وزیر اعلی کےسی آر سے ملاقات نتیجہ خیز'
ای ٹی وی بھارت سے بات کرتے ہوئے امیر جماعت اسلامی ہند نے کہا کہ وزیر اعلی خود این آر سی کے خلاف محاذ چلانے کا ارداہ رکھتے ہیں اور انہوں نے اس سلسلے میں تمام اپوزیشن جماعتوں سے اتحاد کرتے ہوئے اس قانون کے خلاف تحریک چلانے کا ارداہ ظاہر کیا ہے۔
حامد محمد خان نے یہ بھی بتایا کہ چندرا شیکھر راو نے آئندہ ماہ این آر سی کے خلاف بڑے پیمانے پر احتجاجی جلسہ منعقد کرنے کا اشارہ دیا ہے جس کی صدارت وہ خود کریں گے۔
