سعودی عرب کے وزیر مواصلات عبداللہ السواحہ نے کے ٹی آر کے ساتھ ڈاؤس کے تجارتی اجلاس میں تبادلہ خیال کیا۔ کے ٹی آر نے سعودی وزیر کو دورہ ہند کے لیے مدعو کیا اور کہا کہ تلنگانہ میں بھی معاشی اشتراک کے لیے بہترین مواقع دستیاب ہیں۔ مہیندرا گروپ کے صدر نشین آنند مہیندرا نے بھی کے ٹی راما راؤ سے ڈاوس میں ملاقات کی۔
کوکا کولا کے چیف ایگزیکیٹیو آفیسر جیمس کوئینسی اور کے ٹی آر کی ایک تجارتی اجلاس میں ملاقات ہوئی ۔ اعلامیہ میں بتایا گیا ہے کہ کے ٹی آر نے کئی دوسری کمپنیز کے اعلی ایگزیکیٹیوز کے ساتھ بھی ڈاؤس میں جاری اجلاس کے دوران مختلف مواقع پر ملاقاتیں کی ہیں۔
ڈاؤس میں مرکزی وزرا کے ساتھ شریک ہونے والے ریاستی وزیر صرف کے تارک راما راو ہیں، اس طرح تلنگانہ کے وزیر کو اس عالمی اجلاس میں شریک ہونے کا اعزاز حاصل ہوا۔
انفارمیشن ٹکنالوجی کے شعبے میں ریاستی وزیر کے ٹی آر کوشش کرتے آئے ہیں، حیدرآباد میں عالمی کمپنیز کے قیام اور سرمایہ کاری کو لیکر مذکورہ وزیرجدوجہد کرتےآرہے ہیں۔
