حیدرآباد: موبائل ہیلپ لائن بس کا افتتاح

ریاستی حکومت کی جانب سے کووڈ 19 موبائل ہیلپ بس کا افتتاح عمل میں آیا- حیدرآباد میں کورونا وائرس کے مریضوں کی تعداد دن بدن تیزی کے ساتھ پھیل رہی ہے۔ حکومت کی جانب سے حیدرآباد میں 9 ہیلتھ سینٹر قائم کیے گئے ہیں اور اسی کے ساتھ موبائل وین کا آغاز بھی کیا گیا ہے۔

حیدرآباد کے مختلف علاقوں میں موبائل وین گشت کرتے ہوئے اینٹیجن اور کورونا کا ٹیسٹ کر رہی ہے- حلقہ اسمبلی میں مجلس اتحاد المسلمین کے رکن اسمبلی کوثر محی الدین نے ہیلپ بس کا افتتاح کیا- حیدرآباد کے حلقہ کاروں میں وین کے ذریعہ روزانہ 250 سے زائد افراد کا ٹیسٹ کیا جا رہا ہے۔