سابق رکن اسمبلی پی جناردھن ریڈی کا تعلق کریم نگر ضلع کے پوتی ریڈی پاڈوپلی گاوں سے تھا۔انہوں نے عثمانیہ یونیورسٹی سے ایم اے کی تکمیل کی تھی۔انہوں نے اندراگاندھی کی جانب سے نافذ کردہ ایمرجنسی کے خلاف بنائی گئی جئے پرکاش نارائن کی لوک سنگھرش سمیتی میں شمولیت اختیار کی تھی۔ ایمرجنسی کے خلاف ستیہ گرہ کرنے پر ان کو مشیرآباد کی جیل میں ایک سال تک محروس رکھا گیا تھا۔ MLA P Janardhan Reddy Dies
انہوں نے 1977 میں ہنمکنڈہ پارلیمانی حلقہ سے پی سابق وزیراعظم نرسمہا راو کے خلاف انتخابات میں حصہ لیا تھا تاہم اس میں ان کو شکست ہوئی تھی۔وہ 1972 اور 1978 میں حلقہ اسمبلی کملاپور سے منتخب ہوئے تھے۔ ان کی عمر87 برس تھی۔
یو این آئی
