سرکاری ذرائع نے اتوار کو یہاں بتایا کہ سابق مرکزی وزیر بی جناردن پجاری اور ان کی اہلیہ کے کورونا سے متاثر ہونے کی تصدیق کے بعد دونوں کو بنگلورو شہر کے ایک پرائیویٹ اسپتال میں داخل کرایا گیا ہے۔
کانگریس کے لیڈر کے بیٹے نے سوشل میڈیا پر اپنے پوسٹ میں لکھا کہ والد صاحب بخیریت ہیں۔ ان کی سنیچر کو کورونا جانچ کرائی گئی اور اس کی رپورٹ پازیٹیو آئی ہے۔ وہ شہر کے ایک پرائیویٹ اسپتال میں داخل ہیں۔ ویسے وہ بخیریت ہیں اور ان میں کورونا کی کوئی علامت نظر نہیں آرہی ہے۔ فکرکرنے کی کوئی بات نہیں ہے۔
اندیشہ ہے کہ سابق مرکزی وزیر گھر کی ملازمہ سے متاثر ہوئے ہیں۔
