اتر پردیش کے شاملی کے تین فٹ کے عظیم منصوری کی ویڈیو وائرل ہونے کے بعد اب انہیں شادی کے لئے ایک رشتہ ملا ہے۔
اتر پردیش کے غازی آباد کی ڈھائی فٹ کی ریحانہ کے گھر والوں نے عظیم سے اپنی بیٹی کی شادی کی خواہش کا اظہار کیا ہے۔
دراصل ریحانہ کے ایک رشتہ دار نے عظیم کا وائرل ویڈیو دیکھا جس میں انہوں نے خاتون تھانہ پہنچ کر اپنی شادی کرانے کی اپیل کی تھی، جس کے بعد انہوں نے اس بات کا ذکر ریحانہ کے والد سے کیا اور پھر بات آگے بڑھی۔
واضح ہو کہ گزشتہ دنوں عظیم اپنی شادی کی فریاد لیکر خاتون تھانے پہنچے تھے، 26 سالہ عظیم اس سے قبل بھی اتر پردیش کے کئی بڑے رہنماؤں سے ملکر اپنے لئے دلہن تلاش کرنے کی گزارش کر چکے ہیں لیکن ہمیشہ انہیں ناامیدی ہی ہاتھ لگتی تھی، اس کے لئے انہوں نے اپنے گھر والوں پر بھی الزام عائد کیا تھا۔
25 سالہ ریحانہ ڈھائی فٹ کی ہیں اور وہ گھر کا بھی سارا کام کر لیتی ہیں، کوتاہ قد ہونے کی وجہ سے ریحانہ کے والدین کافی پریشان تھے لیکن اب نہیں امید ہے کہ ان کی بیٹی کی شادی ہو جائے گی۔
کوتاہ قد ہونے کی وجہ سے شادی نہ ہونے سے عظیم اور ریحانہ دونوں پریشان تھے لیکن اب دونوں کے لئے یہ رشتہ ایک امید کی طرح ہے۔
