ریاست بہار کے ضلع کیمور میں ایک بار پھر آسمانی بجلی کی زد میں آنے سے دو افراد کی موت ہوگئی ہے، تین لوگ شدید طور پر جھلس گئے ہیں اور کئی جانور بھی مرگئے ہیں۔
اطلاع کے مطابق پہلا معاملہ درگاوتی بلاک کے نوآٶں موضع میں پیش آیا ہے۔جہاں ایک ہی کنبہ کے کچھ لوگ مویشیوں کو چرانے ندی کنارے گئے تھے، تبھی اچانک تیز بارش اور بجلی کی زد میں آنے سے علاقے کے مشہور دھوبی کی موقع پر ہی موت ہو گئی۔ جبکہ دھوبی کے اہل خانہ کا علاج پراٸمری ہیلتھ سینٹر میں چل رہا ہے۔
وہیں دوسرا واقع چین ہور بلاک کے ادیے رام ہور کے لوہرا موضع کا ہے جہاں گاٶں کے سیوان میں گھوم رہے راجندر بند کا چودہ سالہ لڑکا سونو بند آسمانی بجلی کے زد میں آنے سے موقع پر ہی دم توڑ گیا۔
مزید پڑھیں:
کیمور قومی شاہراہ پر چلتی کار میں لگی آگ
دونوں واقعات کے بعد علاقے میں غم کا ماحول چھایا ہوا ہے، اطلاع پر پہنچی پولیس نے لاش کو قبضہ میں لےکر صدر ہسپتال میں پوسٹ مارٹم کے بعد کنبہ کو سونپ دیا۔
