چینی شہر ووہان سے نکل کر دنیا بھر میں تباہی مچانے کے بعد کرونا وائرس نے دنیا بھر کی معاشی صورتحال بگاڑ دی ہے اب دنیا کے متعدد ممالک معاشی بحران کا شکار ہیں.کورونا وائرس کی مہلک وبا کو روکنے کے لیے سب سے پہلے پروازوں کو منسوخ کیا گیا جس سے ٹور اینڈ ٹریول انڈسٹری کے کاروباری حالات حالات خراب ہو گئے اب صورتحال یہ ہے کہ بھارت میں ہی اس پیشے سے منسلک کروڑوں افراد کی بے روزگاری کا اندیشہ ہے.
ای ٹی وی بھارت کے نمائندے نے ایسے ہی افراد سے بات کی جو ٹور اینڈ ٹریول انڈسٹری سے منسلک ہیں اور گذشتہ 5 ماہ سے اپنی بقا کے لیے جدوجہد کر رہے ہیں.
ای ٹی وی بھارت کے نمائندے سے بات کرتے ہوئے اسعد میاں نے بتایا کہ وہ گذشتہ 18 ماہ سے اس کاروبار میں ہیں لیکن اس طرح کے حالات کا سامنا انہوں نے کبھی نہیں کیا.وہ بتاتے ہیں کہ موجودہ حالات میں وہ اپنی جمع کی گئی رقوم کا استعمال کر رہے ہیں اور اب حالات بد سے بدتر ہو چکے ہیں جو ہمارے کاروبار کا سیزن ہوا کرتا تھا وہ لاک ڈاؤن کی نذر ہو گیا.وہیں اسی پیشہ سے منسلک سلیم رضا نے بتایا کہ بھارت میں 4 کروڑ افراد ہمارے پیشہ سے جڑے ہوئے ہیں جس آج بے روزگار ہیں انہوں نے بتایا کہ حکومت کی جانب سے کہا گیا تھا کہ وہ عوام کی مدد کرے گی لیکن اس کے باوجود کچھ بھی مدد نہیں کی بلکہ اور کاروباری حالات خراب کر دیے گئے.
