سیمسنگ کا کووڈ سے لڑائی کے لیے پچاس لاکھ ڈالر کی مدد دینے کا اعلان

الیکٹرونک صارفین آلات بنانے والی کوریائی کمپنی سیمسنگ نے کووڈ 19 وبا کی دوسری لہر کے خلاف بھارت کی لڑائی میں تعاون کرنے کے لیے مرکزی حکومت اور ریاستی حکومتوں کو پچاس لاکھ ڈالر یعنی 37 کروڑ روپے کی مدد اور اسپتالوں کے لیے ضروری طبی آلات کے ساتھ ہیلتھ کیئر سیکٹر کو حمایت دینے کا اعلان کیا ہے۔

کمپنی نے آج یہاں کہا کہ یہ فیصلہ بھارت میں مختلف اسٹیک ہولڈروں کے ساتھ تبادلہ خیال اور مقامی انتظامیہ کی فوری ضرورت کے جائزے کے بعد کیا گیا ہے۔

سیمسنگ مرکزی حکومت کے ساتھ اترپردیش اور تملناڈو کو تیس لاکھ ڈالر کا عطیہ دے گی۔ اس کے علاوہ ہیلتھ کیئر سسٹم کی مدد کے لئے سیمسنگ 20 لاکھ ڈالر کا طبی سامان دستیاب کرائے گی جس میں 100 آکسیجن کنسنٹریٹر، تین ہزار آکسیجن سلنڈر اور دس لاکھ ایل ڈی سی سیرینج شامل ہیں۔ یہ سامان اترپردیش اور تملناڈو کو دستیاب کرایا جائے گا۔