نوئیڈا: نئے ایس ڈی ایم کا ماتحت ملازمین کے ساتھ اہم اجلاس

نوئیڈا میں ایس ڈی ایم صدر پرسون دیویدی کے تبادلہ کے بعد ڈی ایم سہاس ایل وائی نے ایس ڈی ایم صدر کے عہدے پر انکت کمار کی تقرری کی ہے۔ انہوں نے افسران کو یہ بھی ہدایت کی کہ ریوینیو  سے متعلقہ لوگوں کے مسائل کو ترجیحی بنیاد پر حل کیا جائے گا تاکہ حکومت کی منشا کے مطابق عام لوگوں کو حکومت کی اسکیموں اور ریوینیو پروگراموں کے فوائد حاصل ہوسکیں۔

اتر پردیش نوئیڈا کے نئے ایس ڈی ایم انکت کمار نے صدر کا عہدہ سنبھال لیا ہے۔ اپنے عہدے کا چارج سنبھالنے کے بعد تحصیل پہنچ کر انہوں نے تحصیلدار اور دیگر ماتحت افسران اور ملازمین کے ساتھ ایک اہم میٹنگ کی۔ انہوں نے کہا کہ ریوینیو ڈیپارٹمنٹ کے تمام افسران حکومت اور ڈسٹرکٹ مجسٹریٹ کی ہدایات کے مطابق کام میں تیزی لاتے ہوئے ریوینیو کاموں کو بروقت اور معیاری انداز میں انجام دینے کی کوشش کریں گے۔

انہوں نے کہا کہ حکومت کی منشا کے مطابق محکمۂ ریونیو کے افسران اور ملازمین کی طرف سے محصولات کی وصولی کی زیادہ سے زیادہ ریکوری کو یقینی بنایا جائے۔ اسی طرح ریوینیو کیسز کے بروقت نمٹانے کے سلسلے میں باقاعدہ عدالتوں میں پیش ہوکر ریوینیو کیسز کا تصفیہ یقینی بنایا جائے گا۔

ڈپٹی ڈسٹرکٹ مجسٹریٹ نے ریوینیو ڈیپارٹمنٹ کے ملازمین اور افسران کو یہ بھی ہدایت کی کہ ریوینیو سے متعلقہ لوگوں کے مسائل کو ترجیحی بنیاد پر حل کیا جائے گا تاکہ حکومت کی منشا کے مطابق عام لوگوں کو حکومت کی اسکیموں اور ریوینیو پروگراموں کے فوائد حاصل ہوسکیں۔