مشہور و معروف سماجی کارکن اور آریا سماج سے تعلق رکھنے والے سوامی اگنی ویش نے دوران علاج آج شام دہلی کے آئی ایل بی ایس ہسپتال میں آخری سانس لی۔ معروف سماجی کارکن سوامی اگنی ویش کی موت کی خبر سے تمام مذہبی رہنماؤں سمیت سیاسی سماجی حلقوں نے بھی غم کا اظہار کیا۔
اس واقعہ پر اظہار تعزیت کرتے ہوئے جمعیت علماء ہند کی جانب سے مولانا حکیم الدین قاسمی نے بتا یا کہ' سوامی اگنی ویش کو پیر کے روز اسپتال میں داخل کرایا گیا تھا جہاں ان کے جسم کے بیشتر اعضاءنے کام کرنا بند کردیا تھا۔ جس کے سبب اب وہ ہمارے درمیان نہیں رہے۔
اس موقع پر اپنے غم کا اظہار کرتے ہوئے مولانا حکیم الدین قاسمی نے کہا کہ' سوامی اگنی ویش حق کی آواز بلند کرنے والے، بے خوف ظلم کے خلاف بولنے والے شخص تھے۔
مزید پڑھیں:
معروف سماجی کارکن سوامی اگنی ویش کا انتقال
انہوں نے بتایا کہ سوامی اگنی ویش کا جمعیت علماء ہند سے بہت پرانا رشتہ رہا ہے تقریباً 20 برسوں سے میں انہیں جمعیت علماء ہند کے تمام تقاریب میں دیکھ رہا ہوں، ان کی موت ظلم کے خلاف لڑنے والوں کے لیے بڑا خسارہ ہے۔
