دہلی میں اس وقت 242 کنٹینمنٹ زون ہیں۔ ان میں انفیکشن کا دائرہ بھی مسلسل بڑھ رہا ہے۔ اس پر قابو پانے کے لیے دہلی حکومت جمعرات سے تمام 242 کنٹینمنٹ زون میں اینٹیجن ٹیسٹ کٹ کے ذریعے کورونا ٹیسٹنگ شروع کرنے جارہی ہے۔ اس ٹیسٹنگ کٹ کا فائدہ یہ ہے کہ رپورٹ صرف 15 منٹ میں مل جائیگا۔
دہلی حکومت کو 50000 اینٹیجن ٹیسٹ کٹس مل چکے ہیں۔ اس ٹیسٹ کٹ کے بارے میں خاص بات یہ ہے کہ اس کی قیمت 450 روپے ہے۔ ہم آپ کو بتادیں کہ وزیر داخلہ امت شاہ کی جانب سے دو روز قبل بلائے گئے کل جماعتی اجلاس میں مرکزی سکریٹری صحت نے اس کٹ کے بارے میں بتایا تھا کہ اس کے ذریعہ ٹیسٹ جلد شروع ہوگا۔ آئی سی ایم آر اور ایمس سے اجازت ملنے کے بعد اس کی شروعات ہو رہی ہے۔
دہلی حکومت کے محکمہ صحت کی ٹیم کل سے دہلی کے تمام 242 کنٹینمنٹ زون میں گھر۔گھر جاکر اسکریننگ کرے گی۔ اس کٹ کے ذریعہ جس بھی شخص میں کورونا کی ہلکی بھی علامت دکھیگی، اس کا اینٹیجن ٹیسٹ کیا جائے گا۔ اس کٹ کے ذریعے ٹیسٹ میں لیب میں نمونے لے جانے کی ضرورت نہیں ہوگی۔ ٹیسٹ کے 15 منٹ کے وقفے پر یہ پتہ چل جائے گا کہ متعلقہ شخص کورونا مثبت ہے یا منفی۔
اگر کسی شخص میں کورونا کی علامات کے باوجود اینٹیجن ٹیسٹ کٹ کی رپورٹ منفی آتی ہے تو اس کا آر ٹی پی سی آر ٹیسٹ ہوگا۔ آپ کو بتادیں کہ مرکز کے فیصلے کے بعد دہلی حکومت جانچ کے دائرہ کار کو بڑھا رہی ہے۔ 20 جون سے روزانہ 18000 نمونے ٹیسٹ کروائے جائیں گے۔
