پنجاب اور ہریانہ سے تقریبا 20 ہزار ٹریکٹروں کے آنے سے اتوار کو شاہراہ پر کنڈلی سے بہال گڑھ تک تقریبا 20 کلو میٹر تک ٹریکٹر اور ٹرالیوں کی چھاؤنی بن گئی ہے۔ عالم یہ ہے کہ کنڈلی۔ مانیسر ۔پلول (کے ایم پی) اور کنڈلی۔ غازی آباد پلول (کے جی پی) کے زیرو پوائنٹ بھی ٹریفک کے لئے بند ہوگئے ہیں۔ روٹ بدلنے اور گاڑیوں کو ادھر ادھر پاس کرانے میں پولیس کو کافی پریشانی ہو رہی ہے۔
خاص بات یہ ہے کہ ٹریکٹر پریڈ کے لئے کسان دن بھر ریہرسل کر رہے ہیں جس کی وجہ سے یہاں کافی دشواریاں ہو رہی ہیں۔ کنڈلی سے بہال گڑھ کے درمیان میں تقریبا 45 ہزار ٹریکٹر ہیں اور دو لاکھ سے زیادہ کسان جمع ہیں۔
مزید پڑھیں: نوئیڈا سرحد پر سینکڑوں ٹرک دہلی میں انٹری کے منتظر
ٹریکٹر پریڈ کے لئے ٹریکٹروں کی بڑھتی تعداد پر غور کرتے ہوئے سونی پت انتظامیہ نے 28 جنوری تک دہلی میں آمد و رفت نہیں کرنے کا مشورہ دیا ہے۔ ساتھ ہی سونی پت کے تمام اسکولوں اور کالجوں میں پیر کو تعطیل کا اعلان کردیا گیا ہے۔
۔یو این آئی۔
