کسان حقوق کی لڑائی میں ڈرنے والے نہیں: راہل

کانگریس کے سینئر لیڈر راہل گاندھی نے ٹویٹ کیا کہ کھیتوں اور ملک کی حفاظت کے لیے کسانوں نے اپنی جانیں قربان کی ہیں، وہ کبھی ڈرے نہیں ہیں، ہمیشہ کھرے اترے ہیں۔

کانگریس کے سابق صدر راہل گاندھی نے آج کہا کہ احتجاجی مظاہروں کے دوران اب تک 500 سے زائد کسان اپنی جانورں کی شہادت دے چکے ہیں اور حقوق کے لیے کھیت سے لیکر سرحد تک لڑنے میں ماہر کسانوں کو کوئی ڈرا نہیں سکتا۔

انہوں نے نے ٹویٹ کیا ’’کھیتوں اور ملک کی حفاظت کے لیے کسانوں نے اپنی جانیں قربان کی ہیں۔ وہ کبھی ڈرے نہیں ہیں۔ ہمیشہ کھرے اترے ہیں۔

کانگریس مواصلات کے محکمہ کے سربراہ رندیپ سنگھ سرجے والا نے بھی حکومت سے کسانوں کے مطالبات تسلیم کرتے ہوئے تینوں زرعی قوانین ختم کرنے کی اپیل کرتے ہوئے کہا کہ حقوق کی لڑائی لڑنے والے کسانوں کو انصاف ملنا چاہیے۔

انہوں نے کہا ’’کسان کو بھیک نہیں انصاف چاہیے۔ کسانوں کو غرورنہیں، حق چاہیے۔ تکبر کے تخت سے اتریے، اقتدار کا نشہ چھوڑیے، تینوں کالے قوانین کو ختم کرنا ہی واحد راستہ ہے‘‘۔