دہلی: مسلم نوجوانوں کی کوشش سے خواتین کو روزگار دستیاب

ایچ ون فیڈ ون نامی تنظیم آشائیں پروجیکٹ کے ذریعے جھگی جھونپڑیوں میں رہنے والی خواتین کو روزگار سے جوڑنے کا کام انجام دے رہی ہیں. تنظیم کی بانی امرین فاروق نے بتایا کہ ان کا مقصد خواتین کو باصلاحیت بنانا ہے تاکہ وہ اپنی زندگی کو بہتر طریقے سے گزار سکیں۔

دارالحکومت دہلی کے اوکھلا علاقے میں رہنے والے دو مسلم نوجوانوں نے سماج کے متوسط طبقے کی خواتین کو ہنرمندی کے ساتھ ساتھ روزگار فراہم کرنے کا عزم کیا تھا جسے اب وہ پورا ہوتا دیکھ رہے ہیں۔

یہ نوجوان غریب طبقے سے تعلق رکھنے والی خواتین کو روزگار سے جوڑنے کے لیے سلائی کا کام سکھانے کے بعد انہیں روزگار فراہم کراتے ہیں. جس سے ان کی ذریعہ معاش کی تلاش مکمل ہوتی ہی ہے ساتھ ہی وہ اپنے گھر کے خرچہ میں اپنے شوہر کا ہاتھ بھی بٹاتی ہیں۔

اس پروجیکٹ کی شروعات کورونا وائرس کے دور میں کی گئی تھی جب اکثر لوگ بے روزگاری کی مار جھیل رہے تھے۔ اسی دوران ان نوجوانوں نے خواتین کے لئے سلائی کورس کا آغاز کیا۔ کورونا کے دور میں ہی ان خواتین نے ماسک بنائے اور ضرورت مندوں کے ددرمیان ماسک تقسیم کئے گئے۔ اس کے بعد سلائی سے ہی متعلق دیگر چیزیں بھی ان خواتین کو سکھائی گئیں۔ ایچ ون فیڈ ون نامی یہ تنظیم آشائیں پروجیکٹ کے ذریعے جھگی جھونپڑیوں میں رہنے والی خواتین کو روزگار سے جوڑنے کا کام انجام دے رہی ہیں. تنظیم کی بانی امرین فاروق نے بتایا کہ ان کا مقصد خواتین کو باصلاحیت بنانا ہے تاکہ وہ اپنی زندگی کو بہتر طریقے سے گزار سکیں۔

سلائی سیکھنے سے قبل بیشتر خواتین محنت مزدوری کرنے کے لیے گھر سے نکلا کرتی تھی تاہم اب انہیں گھر میں ہی سلائی کا کام مل جاتا ہے جس سے ان کے اخراجات پورے ہوتے ہیں۔