اتوار کی رات روز دہلی حکومت کی جانب سے جاری اعداد و شمار میں گذشتہ 24 گھنٹوں میں کسی کی موت نہیں ہوئی اور یہ تعداد 64 ہے۔ اس دوران 106 مریض ٹھیک ہوئے اور اس وبا سے صحتیاب ہونے والوں کی تعداد 1362 ہوگئی۔
قومی دار الحکومت میں فعال کیسز 3123 ہے جس میں 76 آئی سی یو اور 13 وینٹیلیٹر پر ہیں۔
وہیں وزیراعلی کیجریوال نے بتایا کہ تمام سرکاری آفس جن کا تعلق ضروری اشیاء سے ہے، ان میں سو فیصد ملازمین کام کریں گے، جبکہ پرائیویٹ آفسز میں کچھ شرائط کے ساتھ کام کیا جا سکتا ہے۔
اس کے علاوہ شادی کے لیے 50 افراد اور میت میں 20 افراد کی اجازت ہوگی۔
انہوں نے کہا کہ شام سات بجے سے صبح سات بجے تک گھروں سے باہر نکلنے پر پابندی عائد رہے گی، جبکہ تمام ضروری اشیاء کی دکانیں کھلی رہیں گے، 65 برس سے زائد عمر کے بزرگ دس سال سے چھوٹے بچے حاملہ خواتین اور بیمار لوگوں کے گھروں سے باہر جانے پر پابندی جاری رہے گی۔
