جامعہ ملیہ اسلامیہ نے کووڈ 19 کی صورتحال میں بہتری کے ساتھ آف لائن کلاسیزپی ایچ ڈی کے طلباء کے لیے آخری سال کا آغاز کر دیا ہے۔ طلباء کو داخلہ کووڈ-19 کے قواعد کے مطابق دیا جا رہا ہے۔ اس کے علاوہ یونیورسٹی انتظامیہ کی جانب سے تعلیمی سیشن 2021-22 میں فاصلاتی انداز میں داخلے کے لیے آج سے درخواست دینے کا عمل شروع کر دیا گیا ہے۔ Jamia Millia Islamia Reopens For Final Year PG Students
دلچسپی رکھنے والے طلباء یونیورسٹی کی آفیشل ویب سائٹ www.jmicoe.in پر جا کر درخواست دے سکتے ہیں۔ اس کے علاوہ یونیورسٹی انتظامیہ نے نوٹیفکیشن جاری کرتے ہوئے تمام اساتذہ کو کیمپس میں آنے کی ہدایت کی ہے۔واضح رہے کہ کووڈ 19 کی صورتحال میں بہتری کے ساتھ یونیورسٹی میں بدھ سے پی ایچ ڈی کے آخری سال کے طلباء کے لیے یونیورسٹی کھول دی گئی ہے۔
یونیورسٹی کے گیٹ پر آر ٹی پی سی آر منفی رپورٹ دکھانے پر طلباء کو داخلہ دیا جا رہا ہے۔ اس دوران یونیورسٹی انتظامیہ کی طرف سے تمام طلباء کو کووڈ-19 کے قوانین پر عمل کرنے کی سخت ہدایات دی گئی ہیں۔
واضح رہے کہ حال ہی میں یونیورسٹی انتظامیہ کی جانب سے مرحلہ وار کیمپس کھولنے کا نوٹیفکیشن جاری کیا گیا تھا۔
