دارالحکومت دہلی میں کورونا وائرس سے متاثر ہونے والے مریضوں کی تعداد میں مسلسل اضافہ ہو رہا ہے۔ جس تیزی سے دہلی میں کورونا وائرس پھیل رہا ہے اس سے ایسا محسوس ہونے لگا ہے کہ منیش سسودیا نے جو بیان دیا تھا وہ حقیقت میں تبدیل ہو سکتا ہے۔
اسی بات کو دیکھتے ہوئے اوکھلا کے رکن اسمبلی امانت اللہ خان نے ٹوئٹر کے ذریعے مسلمانوں سے اپیل کی تھی کہ وہ اپنی مساجد کو قرنطین سینٹر میں تبدیل کر دیں۔ امانت اللہ کے اس بیان پر پرانی دہلی کے سماجی کارکن اور بارہ دری مسجد کمیٹی کے رکن شیخ علیم الدین اسعدی کا کہنا ہے کہ مساجد کو قرنطین سینٹر میں تبدیل کرنے کا بیان بچکانا ہے انہیں اس طرح کے بیان سے گریز کرنا چاہیے'۔
انہوں نے مزید کہا کہ' ابھی فی الحال مساجد میں مسلمان صرف فرض نمازیں ادا کر رہے ہیں اور مساجد کا استعمال عبادت کے لیے کیا جاتا ہے۔ انہوں نے کہا کہ' کیا کیجریوال حکومت سنہ 1857 سے 1947 تک جو انگریزوں نے مساجد کی بے ہرمتی کی تھی وہ اب پھر سے اسے دہرانا چاہتی ہے'۔؟
