بی آر امبیڈکر یونیورسٹی دہلی میں پوسٹ گریجویٹ پروگرام کے لیے رجسٹریشن کا آغاز

بی آر امبیڈکر یونیورسٹی دہلی میں پوسٹ گریجویٹ پروگرام کے لیے داخلے کا آغاز گزشتہ روز سے آن لائن طریقے سے کیا گیا ہے، اندراج کی آخری تاریخ تیس ستمبر ہے۔

بی آر امبیڈکر یونیورسٹی دہلی نے تعلیمی سیشن 2020-21 کے لیے پوسٹ گریجویٹ پروگراموں میں داخلے کا اعلان کرتے ہوئے گزشتہ روز سے ایم اے کے داخلہ فارم کی براہ راست شروعات ہو چکی ہے، رجسٹریشن کی آخری تاریخ 30.09.2020 ہے۔

پوسٹ گریجویٹ پروگراموں کے تمام زمروں کے لیے اندراج کا عمل مکمل طور پر آن لائن رکھا گیا ہے، معلومات کا بلیٹن، رجسٹریشن کا عمل اور اس کے بعد کے طریقہ کار کی تفصیلات آن لائن فراہم کر دی گئی ہے۔

واضح رہے کہ یونیورسٹی میں کل 879 نشستوں کے ساتھ 20 پوسٹ گریجویٹ پروگرام پیش کیے گئے ہیں، کشمیری گیٹ کیمپس میں 15 ، کرم پورہ کیمپس میں 3 اور لودھی روڈ کیمپس میں 2 پروگرام ہیں۔ پروگرام کے مطابق کیمپس وار پیش کی جارہی نشستوں کی تفصیلات اور مزید معلومات کے لیے یونیورسٹی کی ویب سائٹ https://aud.ac.in/admitted پر دیکھی جاسکتی ہیں۔