ناگور درگاہ کے بڑے پیر صاحب کے سجادہ نشین سید صداقت علی جیلانی نے چھ ماہ کی معصوم بچی نور فاطمہ کے لیے لوگوں سے دعا کی اپیل کرتے ہوئے کہا کہ 'نور فاطمہ ایک ایسے مرض میں مبتلا ہے جس کے علاج کے لیے ایک انجکشن کی قیمت کروڑوں روپے ہے۔ اس معصوم بچی کے اہل خانہ کے لیے اتنی بڑی رقم کا بندوبست کرنا ممکن نہیں ہے'۔
نور فاطمہ کے لیے ناگور درگاہ کے سجادہ نشیں کی اپیل
اس لیے میری آپ سبھی عام و خاص لوگوں سے اپیل ہے کہ سبھی اہل خیر حضرات مدد کے لیے آگے آئیں اور نور فاطمہ کے لیے تعاون کریں تاکہ نور فاطمہ کو ایک نئی زندگی مل سکے۔ میں اللہ سے دعا کرتا ہوں کہ اللہ تعالی اس معصوم بچی کو صحت کاملہ عطا فرمائے'۔
واضح رہے کہ نور فاطمہ کے لیے بالی وڈ کے معروف سنگر راجہ حسن، توسی صابری، کانگریس اور بی جے پی کے رہنما سمیت دیگر افراد بھی اپیل کر چکے ہیں۔
